आजच्या दिवसात मी “आरोग्याला अपायकारक” इतका टीव्ही पाहिलाय. सकाळी घराची स्वच्छता केली, आठवड्याचा बाजार आणला, (म्हणजे फक्त ब्रेड, सिनामन रेझिन व्हीट), जेवलो, आणि नंतर हातात लॅपटॉप घेऊन प्रोग्रॅमिंग आणि समोर अविरत टीव्ही असा सुखद आळस सुरू झाला. नेटफ्लिक्स हे एक वरदान आहे. बरेच चित्रपट सीडीवर आणि ऑनलाईन बघण्यास उपलब्ध आहेत.
इतर पोस्ट्सपेक्षा जरा वेगळा, हा जरा तांत्रिक पोस्ट आहे. च ची भाषा माहीत नसेल असा मराठी माणूस विरळाच. लहानपणी सगळ्यांनीच कधी ना कधीतरी ही भाषा वापरली असेलच. संदीप खरेचं एक गाणंही आहे “चम्हालातु चंगतोसा चमी चकए चष्टगो” म्हणून. मी प्रोग्रॅमर, सतत काही ना काही उपद्व्याप करून बरंच काही शिकलो. सध्या जरा थंड असले तरी मधूनअधून उपद्व्याप चालूच असतात. तसंच आज सहज म्हणून म्हणलं, एक असा प्रोग्रॅम करावा…
