दुसर्यांदा सीमोल्लंघन

जवळजवळ वर्षं होत आलं होतं हा ब्लॉग सुरू करून. गेल्या वर्षी दसर्याच्या मुहूर्तावर हा ब्लॉग सुरू केला खरा, पण यावर काही लिहिण्याच्या बाबतीत मात्र पार बट्ट्याबोळ होता… नाही म्हणायला अगदीच ५-७ पोस्ट्स होत्या… पण फार विशेष असे काही नाही.
मी तसा संगणकवेडा त्यामुळे माझा हा ब्लॉग सुद्धा मी स्वतःच्या संगणकावरून चालवला होता (भारी वाटतं… करून बघा !). अचानक गोष्टी बंद पडू शकतात व नंतर ब्लॉगचे किस्से होऊ शकतात या वस्तुस्थितीची पूर्ण जाणीव होती… या गेल्या वर्षातच दोनदा माझ्या संगणकाने या ब्लॉगला दिवसा तारे दाखवले होते…

दोनदा ब्लॉगचा श्वास अडे..
मजबुत डेटा लॉस घडे…
बॅकप तरिही जो न करे
तो (मी) एक मूर्ख !!

आळस नडला… गेल्या वेळी निदान गूगल रीडर मधून एक-दोन पोस्ट परत मिळवता आल्या होत्या या वेळी मात्र सपशेल हार…

शेवटी, नवीन जागी नवीन ब्लॉगने सुरुवात केली. बघू कसं काय जमतंय ते…

~नॅकोबा